Styre og administrasjon

Frode Schanke er IT-sjef i Helse Førde. Han er utdanna siviløkonom frå Norges Handelshøyskole, men har gjennom heile sin yrkeskarriere jobba innanfor IT området. Først som konsulent i Accenture, så som forretningsutviklar i Gjensidige Bank og dei siste 10 åra i Helse Førde

Karen Solheim Leiknes er direktør Kunde og Marked i Bergen Fiber. Ho har over 15 års leiarerfaring og har dei siste 18 åra jobba i fiber- og telekombransjen. Karen er opptatt av å fokusere på dei store samfunnsutfordringane og dei store linjene og ho brenn for god infrastruktur, som ho meiner er sjølve DNA’et i eit samfunn og at telekom spelar ei viktig rolle her. Ho er også opptatt av å skape, utvikle og kommunisere slik at det gjev kundane verdi, samstundes som kunderelasjonen skal gje verksemda verdi. Ho er utdanna cand. mag. (4 år økonomi, strategi, språk), har masterprogram i økonomi for beslutningstakere og styrekompetanse frå BI.

Jenny Følling er ordførar i Sunnfjord kommune og medlem av KS sitt hovudstyre. Jenny er politikar i Senterpartiet og har m.a. vore fylkesordførar i Sogn og Fjordane i perioden 2015 til 2019 og varaordførar frå 2011 til 2015. Ho var 1. vararepresentant på Stortinget i perioden 2013-2017.

Merethe Stave er Chief Customer Officer og Senior Cloud Architect i CloudWay. Ho flytta heim til Stadlandet i 2021 under pandemien, der ho jobbar heimafrå innimellom alle konferansane ho deltek på. Ho er ein bloggar og anerkjend foredragshaldar og har bidratt på konferansar som Modern Workplace i Paris, SharePoint Saturday i London og fleire gonger i Teams Nations online-konferansen. Ho blei i 2020 kåra til ein av Norges 50 fremste kvinner i tech.

Per Christian Engdal er høgskulelektor ved dataingeniør- og informasjonsteknologi-studia ved Høgskulen på Vestlandet (HVL), og studieprogramkoordinator for informasjonsteknologistudiet ved HVL Campus Førde. Han er sivilingeniør i datateknikk fra NTNU, med lang erfaring frå IT-relatert verksemd både frå industrien og det offentlege. Engdal har hatt ulike leiarstillingar dei siste 20 åra og har også erfaring med gründerverksemd både frå eige selskap, og som rådgjevar for andre.

- Jeg heter Christiane Ulriksen kom inn i styret i 2017, da var vi IT-Forum Sogn og Fjordane. Jeg er bredbåndsambassadør, teknologientusiast og har stor tro på det tverrfaglige samarbeidet IT-Forum Vest står for. For meg er det utrolig motiverende å kunne bistå til at vi lykkes i hele Vestland. Når det gjelder utdanning, kan jeg vise til MBA og MSc. i ledelse samt diplom i økonomi.

Jørn Stenehjem er seksjonsleiar utvikling i Digitaliseringsdirektoratet, med hovud-arbeidsstad Leikanger. Før han kom til Digitaliseringsdirektoratet, var han IKT leiar hjå Fylkesmannen i Sogn og Fjordane - det som no heiter Statsforvaltaren i Vestland. Han var også i mange år tilsett i Lerum Fabrikker som IT Manager. Han har studert automasjon ved Høgskulen på Vestlandet (HVL).

Falk Michael Tewes er fagdirektør for IT og dokumenthandtering i Lotteri- og stiftelsestilsynet. Han har master i Business Administration, og Master of Science innan IT-Management, med fokus på Business Intelligence og IT Security som hovudfag. Falk har meir enn 15 års erfaring som leiar innan IT-utvikling, IT-service, IT-infrastruktur/arkitektur, prosjekt leiing og kunde orientert rådgjeving.

Ola Alsterholm er assisterande direktør for organisasjon og strategi hos Statsforvalteren i Vestland. Tidlegare har han blant anna vore seniorrådgjevar ved Høgskulen på Vestlandet, dagleg leiar i SGNskis AS og Corporate Communications Manager på Volvo CE Europe. Ola har ein master frå HVL i Innovasjon og ledelse og bachelor frå University of North Carolina Wilmington og Kedge Business School.